នាយឧត្តមសេនីយ ស៊ុំ សំណាង ចុះត្រួតពិនិត្យកងទ័ពតាមព្រំដែនគោកនិងសមុទ្រ នៅទិសយោធភូមិភាគទី ៣ - Department General of Logistics - Finance

នាយឧត្តមសេនីយ ស៊ុំ សំណាង ចុះត្រួតពិនិត្យកងទ័ពតាមព្រំដែនគោកនិងសមុទ្រ នៅទិសយោធភូមិភាគទី ៣

កាលពីថ្ងៃទី១០-១១ ខែមករា ឆ្នាំ ២០១៥ កន្លងទៅនេះ  នាយឧត្តមសេនីយ ស៊ុំ សំណាង​បានដឹកនាំ​ប្រតិភូ​ក្រសួងការពារជាតិ រួមដំណើរ​ដោយប្រតិភូ​ក្រសួង​សេដ្ឋកិច្ច​និង​ហិរញ្ញវត្ថុ​ដែលដឹកនាំ​​ដោយ​​ឯកឧត្តម​ វង្សី​ វិសុទ្ធ រដ្ឋលេខាធិការ ដើម្បី​ចុះ​​ត្រួតពិនិត្យ​​កងទ័ព​​តាម​​ព្រំដែន​​គោក​​និង​​សមុទ្រ នៅ​​ទិស​យោធ​ភូមិ​ភាគទី ​៣ ។
 
ក្នុងដំណើរទស្សនកិច្ចនេះ ទន្ទឹមនឹងការ​សួរ​សុខទុក្ខ​ដល់​បណ្ដា​អង្គភាព​ឈរជើង​ការពារ​ព្រំដែនគោក និងដែនកោះ  ប្រតិភូអន្តរ​ក្រសួង​ក៏​បាន​ចុះ​​ត្រួតពិនិត្យ​​កំណាត់​​ផ្លូវ​ដែល​កំពុង​សាងសង់ដោយ​កងវិស្វកម្ម​នៃ​អគ្គបញ្ជាការ   ពិនិត្យ​រោងជាង​និង​នាវា​នៃ​មូលដ្ឋាន​សមុទ្ររាម ព្រមទាំងបានចុះត្រួតពិនិត្យការដាំដុះនៅកោះពូលូវ៉ៃផងដែរ​ដែលកំពុងមានស្នាដៃដ៏ល្អក្នុងការងារបង្កបង្កើនផល និងការសាងសង់ជំរុំជម្រក។
 
បណ្ដាយោធិនការពារព្រំដែនបានសម្ដែងនូវក្ដីរំភើបរីករាយឥតឧបមាដែលបានឃើញប្រតិភូ​អន្តរក្រសួងចុះសួរសុខទុក្ខ យកចិត្ត​ទុកដាក់ ចុះជាប់ស្វែងយល់តម្រូវការ និងត្រួតពិនិត្យការរីកចម្រើនរបស់អង្គភាព  ញ៉ាំងឲ្យកាន់តែ​មានលះបង់កាន់តែ​ខ្ពស់​ក្នុង​បុព្វហេតុជាតិ។ប្រតិភូក៏បាននាំមកនូវអំណោយ​​ជាច្រើនផងដែរ រួម​មាន​​ប្រាក់កាក់ត្រីខ ​ មីកញ្ចប់​ ​សាច់ងៀត​ ​កុំព្យូទ័រលែបថប់​  ម៉ាស៊ីនព្រីន  ​ ស៊ីម៉ង់ និងសម្ភារជាច្រើនទៀត។
ក្រុមការងារធ្វើដំណើរតាមយន្តហោះដល់កោះពូលូវ៉ៃ