បុគ្គលិកសុខាភិបាលចូលរួមវគ្គសង្រ្គោះអ្នករបួសដោយគ្រាប់ផ្ទុះ
វគ្គហ្វឹកហ្វឺនអ្នកសង្រ្គោះបឋមក្នុងការផ្ទុះគ្រាប់មីន ឬលើសមរភូមិ ដំណាក់កាលទី ៣ ត្រូវបានបញ្ចប់ ដោយជោគជ័យដោយមានការកើនសមត្ថភាពវេជ្ជសាស្រ្តកាន់តែប្រសើរ។
គ្រូបង្គោលមកពីនាយកដ្ឋានសុខាភិបាលនៃក្រសួងការពារជាតិ និងមជ្ឈមណ្ឌលបោសសម្អាតមីន កម្ពុជា បានបង្រៀនដល់វគ្គហ្វឹកហ្វឺនដែលមានរយៈពេល ២ សប្ដាហ៍ ក្រោមការជួយឧបត្ថម្ភពីក្រុម ភស្តុភាទី ៣ នៃកងទ័ពជើងទឹកសហរដ្ឋអាមេរិក ប្រចាំនៅ អូគីណាវ៉ា។
ប្រធានបទក្នុងវគ្គសិក្សារួមមានប្រភេទនានានៃការសង្រ្គោះមុនពេលមកដល់មន្ទីរពេទ្យការគ្រប់គ្រង ការហូរឈាម ការប្រើឧបករណ៍ថ្មីសម្រាប់សង្រ្គោះផ្លូវដង្ហើម ការដាក់សេរ៉ូមតាមសរសៃនិងតាមឆ្អឹង ការគ្រប់គ្រងការចុះកម្ដៅ ការព្យាបាលការរលាក ការអបឆ្អឹង និងទាញឆ្អឹងជាដើម។
ប្រធានវគ្គមកពីភាគីអាមេរិក លោក ម៉ាក់ ឡូហ្វលីន បាននិយាយថាឥឡូវនេះគ្រូបង្គោលអាចបន្ត យកជំនាញទាំងនេះទៅចែករំលែកដល់បណ្ដាអង្គភាពដទៃទៀតដែលត្រូវការជំនាញនេះជាបន្តដើម្បី បង្កើនជំនាញសង្រ្គោះបានហើយ។
