រដ្ឋមន្ត្រីក្រសួងការពារជាតិសម្ភោធផ្លូវនិងទំនប់បង្ហៀរទឹក
កាលពីថ្ងៃទី ១៦ ខែឧសភា ឆ្នាំ ២០១៦ ឯកឧត្តម នាយឧត្តមសេនីយ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជា បានសម្ភោធដាក់ឲ្យប្រើប្រាស់ជាផ្លូវការនូវផ្លូវគ្រួសក្រហម ទំបន់បង្ហៀរទឹក និងពិនិត្យការសាងសង់លំនៅរដ្ឋានកងទ័ពនៅតំបន់អូរកូនតឹង។
អូរកូនតឹងគឺជាតំបន់មួយនៅក្បែរព្រំប្រទល់កម្ពុជាថៃ ក្នុងតំបន់យោធភូមិភាគទី ៤។ ទីបញ្ជាការកណ្ដាលអូរកូនតឹង ចាប់ផ្ដើមរៀបចំនៅឆ្នាំ ២០០៨ នៅពេលប្រទេសថៃបានបញ្ជូនទាហានមករំលោភលើបូរណភាពទឹកដីនៃកម្ពុជា។ ទីបញ្ជាការអូរកូនតឹងត្រូវបានបង្កើតឡើងដើម្បីជាទីបញ្ជាការយុទ្ធសាស្រ្តយូរអង្វែង កន្លែងធានារហ័សដល់សមរភូមិ កន្លែងហ្វឹកហ្វឺនពង្រឹងកម្លាំង កន្លែងកងទ័ពសម្រាកសម្រាប់ចល័តអន្តរាគមន៍ សម្រាប់ដោះស្រាយគោលនយោបាយដល់គ្រួសារកងទ័ពក្រីក្ររស់នៅ។
ដើម្បីរៀបចំតំបន់គ្រួសារកងទ័ពយោធភូមិភាគទី ៤ ថ្នាក់ដឹកនាំតំបន់នៅបានព្យាយាមប្រើប្រាស់ថវិកាក្រសួងការពារពារផង ម្ចាស់ការខ្លួនឯងផង សុំជំនួយពីយោធភូមិ ៧ នៃកងទ័ពប្រជាជនវៀតណាមសាងសង់ផ្លូវគ្រួសក្រហមមួយខ្សែ និងសុំជំនួយពីយោធភូមិ ៥ នៃកងទ័ពប្រជាជនវៀតណាមសាងសង់ទំបន់បង្ហៀរទឹកមួយកន្លែង។
ផ្លូវគ្រួសក្រហមនេះមានប្រវែង ១៥.០០០ ម៉ែត្រ ទទឹង ៧ ម៉ែត្រ ចំណាយថវិកាអស់ ១៥០.០០០ ដុល្លារ។ សំណង់ទំនប់បង្ហៀរទឹកមានប្រវែង ៥០០ ម៉ែត្រ តួសំណង់បង្ហៀរ ៦៧ ម៉ែត្រ មុខបង្ហៀរ ៤៨ម ខ្នងលើ ៦ ម៉ែត្រ កម្ពស់ ០.៥ ម៉ែត្រ និងអាចស្តុកទឹកបាន ៥៥០.០០០ ម៉ែត្រគូប។
ពាក់ព័ន្ធនឹងការអភិវឌ្ឍន៍លំនៅដ្ឋានជូនគ្រួសារយោធិន ឧត្តមសេនីយឯក ជា ម៉ន មេបញ្ជាការរងកងទ័ពជើងគោកបានបរិច្ចាគថវិកាផ្ទាល់ខ្លួន ២៥.០០០ ដុល្លារ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបរិច្ចាគ ស័ង្កសី ១០.០០០ សន្លឹក នាយឧត្តមសេនីយ ប៉ុល សារឿន អគ្គមេបញ្ជាការកងយោធពលខេមរភូមិន្ទ បរិច្ចាគស័ង្កសី ៥.០០០ សន្លឹក។ បច្ចុប្បន្នគេបានសាងសង់ផ្ទះរួច ៩៣ ខ្នង និងសល់ផ្ទះ ៦៣ ខ្នងទៀត។
នាយឧត្តមសេនីយ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនៃព្រះរាជាណាចក្រកម្ពុជាបានសម្ដែនូវការកោតសរសើរចំពោះសមិទ្ធផលទាំងអស់និងអរគុណចំពោះសណ្ដានចិត្តសប្បុរសជន។ ជាពិសេស ឯកឧត្តមសម្ដែងការរំភើបចំពោះការចេះសហការ ជួយគ្នាក្នុងគ្រាលំបាក ដោះស្រាយកង្វះខាតទឹកប្រើប្រាស់ជូនប្រជាពលរដ្ឋទូទៅ ដែលទាំងអស់នេះ ធ្វើឲ្យប្រជាពលរដ្ឋនិងយោធិនគ្រប់រូបកាន់តែមានសេចក្ដីរាប់អានគ្នា ជឿជាក់គ្នា និងកិច្ចការពារនិងអភិវឌ្ឍន៍ប្រទេសជាតិពិតប្រាកដ។
គួរកត់សម្គាល់ផងដែរថា ថ្មីៗនេះ អគ្គនាយកដ្ឋានភស្តុភារនិងហិរញ្ញវត្ថុក្រសួងការពារជាតិ ត្រូវបានដឹកនាំបញ្ជាផ្ទាល់ពីនាយឧត្តមសេនីយ ស៊ុំ សំណាង អគ្គនាយកនៃអគ្គនាយកដ្ឋានភស្តុភារនិងហិរញ្ញវត្ថុដើម្បីដឹកទឹក បូមទឹកជូនប្រជាជននៅតាមបណ្ដាខេត្តដែលខ្វះទឹកប្រើប្រាស់ផងដែរ។
.JPG)
.JPG)
