ឧត្តមសេនីយឯក គង់ ច័ន្ទប្រគល់លិខិតសរសើរអង្គភាពស្នាដៃល្អ
ព្រឹកថ្ងៃពុធ ៩កើត ខែមាឃ សំរឺទ្ធិស័ក ព.ស ២៥៦២ ត្រូវនឹងថ្ងៃទី១៣ ខែកុម្ភៈ ឆ្នាំ២០១៩ ឧត្តមសេនីយ៍ឯក គង់ ច័ន្ទ អគ្គនាយករង អគ្គនាយកដ្ឋានភស្តុភារ ហិរញ្ញវត្ថុ ទទួលខុសត្រូវការងារភស្តុភារទិសយោធភូមិភាគទី១ តំណាងឲ្យ នាយឧត្តមសេនីយ៍ ស៊ុំ សំណាង អគ្គនាយក អគ្គនាយកដ្ឋានភស្តុភារ ហិរញ្ញវត្ថុ បានអញ្ជើញចូលរួមក្នុងសន្និបាតបូកសរុបការងារយោធាឆ្នាំ ២០១៨ និង ទិសដៅ ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក ក្នុងទីបញ្ជាការយោធភូមិភាគទី១ ទីរួមខេត្តស្ទឹងត្រែង ។
ក្នុងពិធីនេះ ឯកឧត្តមបាននាំទៅជាមួយនូវសម្ភារៈ ស្បៀងអាហារ គ្រាប់ពូជបន្លែ ធុងបាញ់ថ្នាំ ធុងចម្រោះទឹក ធុងក្លាសេ មេគោ ឯកសណ្ឋាន ប័ណ្ណសរសើរ លិខិតសរសើរមួយចំនួនជ្តល់ជូន ១៦ អង្គភាព និង បុគ្គល ដែលមានស្នាដៃក្នុងការងារបង្ករបង្កើនផល ចិញ្ចឹមសត្វ ផ្គត់ផ្គង់ជីវភាពបានល្អប្រសើរ ។
