កងពលតូចដឹកជញ្ជូន ៩៩ បន្តកែលម្អរោងដាក់រថយន្ត
ព្រឹកថ្ងៃព្រហស្បតិ៍ ១៥ កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែសីហា ឆ្នាំ២០១៩ លោកជំទាវ ឧត្តមសេនីយ៍ឯក អ៊ុក ដារ៉ា អគ្គនាយករង អគ្គនាយកដ្ឋានភស្តុភារ ហិរញ្ញវត្ថុ និងតំណាងនារីពីបណ្តានាយកដ្ឋាន និង អង្គភាពចំណុះ បានចុះទៅកាន់ទីបញ្ជាការកងពលតូចដឹកជញ្ជូនលេខ ៩៩ ដើម្បីពិនិត្យ និង ស្តាប់របាយការណ៍ ការងារនារី និងយេនឌ័រ រយៈពេលមួយខែកន្លងមកនេះ ។
ក្រៅពីនេះ លោកជំទាវបានឆ្លៀតចុះពិនិត្យមើលគិលានដ្ឋានកងពល ច្បារដំណាំ និងរោងទុកដាក់រថយន្តផងដែរ។
លោកជំទាវ បានធ្វើការកោតសរសើរដល់ការដឹកនាំ មេបញ្ជាការកងពល ដែលរៀបចំអង្គភាពបានល្អ មានររៀបរៀបរយ ទុកដាក់ថែរក្សាគ្រឿងចក្រ រថយន្តមានសណ្តាប់ធ្នាប់ អប់រំនាយទាហាន ពលទាហានបានល្អ គោរពវិន័យ មានការយាមកាមប្រចាំការ ២៤ម៉ោង លើ២៤ម៉ាង ដែលផ្តល់ទំនុកចិត្តខ្ពស់ដល់ ក្រសួងការពារជាតិ និង រាជរដ្ឋាភិបាល ។
ជាការលើកទឹកចិត្ត លោកជំទាវ បានផ្តល់ថវិកាផ្ទាល់ខ្លួនមួយចំនួនដល់អង្គភាពដើម្បីយកទៅបំពេញបន្ថែមការកសាងរោងដាក់រថយន្តថ្មីបន្ថែមទៀត និងណែនាំឲ្យអង្គភាពបន្តយកចិត្តទុកដាក់នេះជាបន្តទៅទៀត។
.jpg)
