អង្គការ One To One មកផ្ដល់សកម្មភាពមនុស្សធម៌ជាបន្ត
កាលពីព្រឹកថ្ងៃទី ២១ ខែសីហា ឆ្នាំ២០១៩ ក្រុមគ្រូពេទ្យស្ម័គ្រចិត្តមកពីអង្គការ One To One នៃប្រទេសសិង្ហបុរី ដឹកនាំដោយ លោកជំទាវ តុប សារ៉ន អគ្គនាយករង អគ្គនាយកដ្ឋានភស្តុភារ ហិរញ្ញវត្ថុ បានចុះទៅជួយពិនិត្យនិងព្យាបាលជំងឺជូនប្រជាពលរដ្ឋ នៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប។
ក្នុងសកម្មភាពមនុស្សធម៌នេះ ក្រុមគ្រូពេទ្យបានព្យាបាល និង ចាប់សរសៃជូនប្រជាពលរដ្ឋបាន ៣០៧ នាក់ ផ្តល់អំណោយជាទឹកប្រាក់ជូនអ្នកជំងឺដែលសំរាកនៅមន្ទីរពេទ្យភូមិភាគ ២០នាក់ ក្នុងម្នាក់ៗ ៥០.០០០រៀល ដោយថវិកានេះបានពីលោកជំទាវ ជា ម៉ន អតីតមេបញ្ជាការយោធភូមិភាគទី ៤ និង លោកជំទាវតុបសារ៉ន។
ក្រៅពីនេះ លោកជំទាវតុបសារ៉ន បានផ្តល់ថវិកាផ្ទាល់ខ្លួនមួយចំនួន ដើម្បីរួមជួយក្នុងការជួសជុលសាលាគោកចកផងដែរ ។
គួរកត់សម្គាល់ថា អង្គការ One To One បានមកធ្វើសកម្មភាពមនុស្សធម៌នេះជាច្រើនលើកមកហើយ។
