នាយទាហានអគ្គនាយកដ្ឋានភស្តុភារហិរញ្ញវត្ថុស្ម័គ្រចិត្តទទួលវ៉ាក់សាំងកូវីដ ១៩
កាលពីរសៀលថ្ងៃទី១០ ខែកុម្ភៈ ឆ្នាំ២០២១ ថ្នាក់ដឹកនាំអគ្គនាយកដ្ឋានភស្តុភារហិរញ្ញវត្ថុ និងមន្ត្រីជាន់ខ្ពស់ក្រសួងការពារជាតិ បានចូលរួមដោយស្ម័គ្រចិត្ត ក្នុងការចាក់វាក់សាំងបង្ការជំងឺ កូវីដ ១៩ នៅមន្ទីរពេទ្យព្រះកេតុមាលា។
ជាលទ្ធផល ចំនួនអ្នកចូលចាក់សរុបបាន ៤២៥នាក់ ក្នុងនោះស្ត្រី ១០៤នាក់។ អ្នកដែលគ្រូពេទ្យអនុញ្ញាតឲ្យចាក់ មាន ៣៣៩ នាក់ ក្នុងនោះស្តី្រ ៧៥ នាក់។
អ្នកដែលគ្រូពេទ្យមិនអនុញ្ញាតឲ្យចាក់ដោយប្រការផ្សេងៗ មាន ៨៦នាក់ ក្នុងនោះស្ត្រី ២៩នាក់ ។
សូមបញ្ជាក់ថាការចាក់វ៉ាក់សាំងនេះធ្វើឡើងក្នុងគោលការណ៍ស្ម័គ្រគ្មានការបង្ខិតបង្ខំ ឬបង្គាប់បញ្ជានោះឡើយ។ ការចាក់នេះត្រូវបន្តធ្វើរហូតនៅមន្ទីរពេទ្យព្រះកេតុមាលា និងកន្លែងផ្សេងទៀតទៅតាមកម្មវិធីដែលបានគ្រោងទុក ។
