នាយកដ្ឋានសុខាភិបាលសហការចាក់វ៉ាក់សាំងជូនប្រជាជននៅតំបន់ក្រហម
នាយកដ្ឋានសុខាភិបាលនៃអគ្គនាយកដ្ឋានភស្តុភារ-ហិរញ្ញវត្ថុ ក្រសួងការពារជាតិកម្ពុជា បានចូលរួមសហការជាមួយអនុគណៈកម្មការចំពោះកិច្ចចាក់វ៉ាក់សាំងក្រសួងការពារជាតិដើម្បីចាក់វ៉ាក់សាំងបង្ការជំងឺកូវីដ ១៩ ជូនប្រជាជននៅតំបន់ក្រហម។
ក្នុងផែនការដែលបានកំណត់ នាយកដ្ឋានសុខាភិបាលទទួលបន្ទុកចាក់វ៉ាក់សាំងជូនប្រជាជននៅសង្កាត់បឹងធំដែលមានចំនួនប្រហែល ៤.៧៨៧ នាក់ (ស្រី ២.៤៨៦នាក់) ចាប់ពីថ្ងៃទី ១ ខែឧសភា ឆ្នាំ ២០២១នេះតទៅ។
ការចាក់វ៉ាក់សាំងជំងឺកូវីដ ១៩ ទ្រង់ទ្រាយធំនេះ គឺធ្វើឡើងបន្ទាប់ពីមានការណែនាំពីសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបញ្ជាឲ្យកងទ័ពធ្វើសកម្មភាពនេះនៅតំបន់ក្រហម ដោយមិនគិតពីប្រភព និងសញ្ជាតិអ្វីឡើយ ពោលគឺឲ្យតែគ្រប់អាយុ និងស្ម័គ្រចិត្តចាក់។
