ឧត្តមសេនីយ៍ឯក មុឹង ពន្លក ចូលរួម​ចុះសួរសុខទុក្ខកងទ័ព​ យោធភូមិភាគ ៤

ថ្ងៃអាទិត្យ ៦រោច ខែស្រាពណ៍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៥ ខែសីហា ឆ្នាំ២០២៤

ឯកឧត្តម ឧត្តមសេនីយ៍ឯក ម៉ឹង ពន្លក អគ្គនាយកនៃ​អគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ បាន​ដឹកនាំគណៈប្រតិភូតាមបណ្តានាយកដ្ឋានចំណុះ ​នៃ​អគ្គនាយកដ្ឋានភស្តុភារ ហិរញ្ញវត្ថុ ដើម្បី​អមដំណើរ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ អញ្ជើញ​ចុះសួរសុខទុក្ខ និងសំណេះសំណាល នាយទាហាន នាយទាហានរង និងពលទាហាន របស់កងពលធំអន្តរាគមន៍លេខ២ និងបណ្តាកងឯកភាពចំណុះ យោធភូមិភាគទី៤។ កម្មវិធីនេះ​បាន​ប្រារព្ធឡើងនៅ​បញ្ជាការដ្ឋាន​កងពលធំអន្តរាគមន៍លេខ២ ស្ថិតនៅស្រុកបន្ទាយស្រី ខេត្តសៀមរាប។

ឆ្លៀតក្នុងឱកាសនេះដែរ ឯកឧត្តម នាយឧត្តមសេនីយ៍ ឧបនាយករដ្ឋមន្រ្តី ព្រមទាំងគណៈប្រតិភូ បានអញ្ជើញពិនិត្យស្ថានីយ៍ប្រេងឥន្ធនៈ ទើបសាងសង់រួចនៅទីបញ្ជាការដ្ឋានកងពលធំអន្តរាគមន៍លេខ២ ដែលកសាងដោយ អគ្គនាយកដ្ឋានភស្តុភារ ហិរញ្ញវត្ថុ។