កងកម្លាំងមកពីប្រទេសលីបង់ គ្មានផ្ទុកមេរោគគ្រុនចាញ់ទេ
អាកាសយានដ្ឋានអន្តរជាតិភ្នំពេញ ថ្ងៃអង្គារ ៩រោច ខែបុស្ស ឆ្នំាចសំរិទ្ធិស័ក ព.ស ២៥៦២ ត្រូវនឹងថ្ងៃទី២៩ ខែមករា ឆ្នាំ២០១៩៖
ក្រុមគ្រូពេទ្យនៃនាយកដ្ឋានសុខាភិបាល អគ្គនាយកដ្ឋានភស្តុភារ និងហិរញ្ញវត្ថុ ក្រសួងការពារជាតិ សហការជាមួយក្រុមគ្រូពេទ្យមជ្ឈមណ្ឌលជាតិប្រយុទ្ធនិងជំងឺគ្រុនចាញ់ ប៉ារ៉ាសិតសាស្រ្ដ បាណកសាស្រ្ដ ក្រសួងសុខាភិបាល រួមនឹងក្រុមគ្រូពេទ្យមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម ធ្វើតេស្ដឈាមរកមេរោគគ្រុនចាញ់ជូនកងកម្លាំងវិស្វកម្មពហុជំនាញលេខ ៩៦៣ ចំនួន ១១៨ នាក់ ក្នុងនោះមាននារី ៥ នាក់ ដែលទើបបញ្ចប់បេសកកម្មរក្សាសន្តិភាពនៅប្រទេសលីបង់ ។
លទ្ធផលបឋមនៃការធ្វើតេស្តនេះបង្ហាញថា គ្មានអ្នកផ្ទុកមេរោគគ្រុនចាញ់ទេ។