ឧត្តមសេនីយ៍ឯក ម៉ឺង ពន្លក ដឹកនាំកិច្ចប្រជុំគាំទ្រសមយុទ្ធកម្ពុជា ឡាវ វៀតណាម
នាព្រឹកថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី18 ខែតុលា ឆ្នាំ២០២៤
នៅអគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ មានកិច្ចប្រជុំពិភាក្សាសម្រេចចុងក្រោយលើគម្រោងសេចក្តីត្រូវការថវិកា សម្ភារៈ ប្រេងឥន្ធនៈ របស់អនុគណៈកម្មការនីមួយៗ ក្នុងការងារធានាដល់ការធ្វើសមយុទ្ធរួមគ្នា ៣ប្រទេស កម្ពុជា-ឡាវ-វៀតណាម ក្រោមអធិបតីភាព ឯកឧត្តម ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ ហិរញ្ញវត្ថុ និងជាប្រធានអនុគណៈកម្មការធានាដែលមានការចូលរួមពីនាយទាហាន ជាសមាជិកអនុគណៈកម្មការធានាទាំងអស់។
គួរបញ្ជាក់ផងដែរថា សមយុទ្ធរួមគ្នា ៣ប្រទេស កម្ពុជា-ឡាវ-វៀតណាម នឹងប្រព្រឹត្តឡើងចាប់ពីថ្ងៃទី១៧ ដល់២៥ ខែវិច្ឆិកា ឆ្នាំ២០២៤ នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ ស្ថិតនៅក្នុងភូមិសាស្រ្តភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង។
